「餵次女妳大個咗好多喎！讀大學啦嚇嘛？讀咩呀？」

「呀哈哈哈係呀大學啦...恭喜發財身體健康！」

壹年容易，又到咗要應付親戚朋友嘅新年。每次被問到讀咩科，我都非常心虛，可以就顧左右而言他。而當無可避免被追問我究竟讀緊咩，聲線總要壓低，含糊不清、大舌頭般：「（超細聲）Law...（超細聲）」，然後最恐怖嗰Part就嚟了。

「嘩！好叻女呀！餵阿叁叔公，呀邊個邊個嘅女讀法律呀！」，大姨媽以全間屋都聽到嘅聲浪幫咗我宣佈。「未來大律師喎次女，好有前（錢）途啊！（下刪壹百字對妳另眼相看的說話和睇太多律師劇而得來的誤解）」。首先，深願世人都明白到，讀 Law同做到律師，係兩回事。

肆年法律學士學位（LL.B）之後，要成為律師或大律師，另外仲需要壹年法學專業證書（PCLL）。而PCLL的學位數量，跟現時香港叁間大學修讀LL.B的學生人數差天共地。再加上海外回流返港的法律系和JD（Juris Doctor, 法律博士）課程畢業生，僧多粥少，能夠成功駁上 PCLL的法律學生少之又少。於是乎，讀 Law期間可謂壹步壹驚心。壹子錯，滿盤皆落索。只要成績稍為不理想，基本上就是跟律師夢無緣了。

其次，即使順利當上律師或大律師，亦並不意味著事業就會壹帆風順。以大律師為例，沒有受薪的1年見習期後，隨即便要肩負起大律師事務所的租金，名乎其實的未見官先要打叁拾大板。開始正式執業了，哪來的「生意」收入呢？香港的執業大律師越來越多，需求卻不見有大幅增長。不知有多少新晉大律師，因為沒有足夠生意維持租金與收入，只好在苦讀多年後黯然離場。衣著光鮮、形象離地的律師們背後，其實都很庸俗，都需要想盡辦法解決生計。

係，呢科聽上真係幾馨香。未修讀之前，我甚至覺得如果自己真係考到，壹定會感到無比驕傲。結果呢種自豪感只係維持咗半個學期都冇。隨之而來的，只有非筆墨所能形容嘅壓力，以及越讀越覺得自己愚拙嘅自卑感。

所以，如果妳拜年時遇上 Law student，或者是初出茅廬的 Trainee（實習律師）／ Pupil（見習大律師），不如唔好先覺得人地好巴閉、高高在上；反之，嘗試講壹句「壹定好辛苦啦」。我相信當事人心底裏壹定會有股稀有的暖意流過，並且對妳沒有 Stereotype了自己是 Law友就必定難以溝通接近這點而感激不盡。

_____________________________________________________________________________________

次女 @ 法政巴絲

法政「巴絲」－法律界的「巴打」和「絲打」。不知絲襪奶茶，配以豆腐火腩飯，會是怎樣的味道？當浪漫的男人，遇上活潑的女孩，又會擦出甚麼樣的火花？讓法律界的朋友壹起來，同大家赤裸裸 gossip 呢行嘅捌卦趣事。

‍

https://hk.news.appledaily.com/local/realtime/article/20180210/57815569